Droupadiki aiduguru Bhartalu enduku unnaru? || Why Droupadi have 5 husbands?

 ద్రౌపదికి ఐదుగురు భర్తలు ఎందుకు ఉన్నారు?

మనం ఇప్పటికీ చాలాసార్లు మహాభారతం వినే ఉంటాం కదా!
అలాగే మహాభారతం సీరియల్స్ లో కూడా చూస్తుంటాం. 
 సాధారణంగా మహాభారతం అనగానే  గుర్తు వచ్చేది  పాండవులు, కౌరవులు, ద్రౌపది, కురుక్షేత్ర యుద్ధం. 
 ఇప్పుడు మనం ద్రౌపది కి ఎందుకు ఐదుగురు భర్తలు ఉన్నారో  తెలుసుకుందాం!

పూర్వము త్వష్ట ప్రజాపతి పుత్రుడు త్రిశిరుడు. త్రిశిరుడు మాయవి అయి తపస్సు చేస్తుండగా ఆ విషయాన్ని దేవేంద్రుడు తెలుసుకొని త్రిసురుడి తలని తన వజ్రాయుధంతో ఖండించి వేశాడు.

అందువలన ఇంద్రుడికి బ్రహ్మహత్యాపాతకం చుట్టుకుంది, ఆ బ్రహ్మ హత్య వలన ఇంద్రుని తేజస్సు నాలుగు భాగాలుగా విడిపోయింది.
అందులో ఒక భాగము యమధర్మరాజు లో, రెండవ భాగము వాయుదేవుడిలో, మూడు నాలుగు భాగాలు అశ్వినీ దేవతల లో ప్రవేశించింది. తరువాత ఈ 4 తేజస్సులు భూలోకములో కుంతీదేవికి పుత్రులుగా జన్మించారు. వారే ధర్మరాజు, భీముడు, నకులసహదేవులు, దేవేంద్రుడు స్వయముగా అర్జునుడిగా పుట్టాడు. 
 దేవేంద్రుడి భార్య అయిన శచి దేవి ద్రుపద మహారాజు తో చేయబడిన యాగములో అగ్ని గుండం నుంచి ద్రౌపదిగా పుట్టింది, అందుకని ద్రౌపదికి అయిదుగురు భర్తలు ఉన్నారు అంటే కుంతీదేవి యొక్క ఐదుగురు బిడ్డలు ఇంద్రుని రూపాలు కనుక ద్రౌపది ఆ ఐదుగురికి భార్య అయింది. 

 

←Prev